प्रत्याभूत बालबालिकाहरुलाई सामग्री वितरण
2 वर्ष पहिले प्रकाशित
Khojkhulasa
बटुकनाथ झा जनकपुरधाम,५ गते पुस । धनुषा जिल्लाका विदेह नगरपालिकाका दुई सय आठ जना प्रत्याभूत बालबालिकाहरुलाई शनिबार सामग्री वितरण गरिएको छ । बालबालिकाका क्षेत्रमा काम गर्ने अनतराष्ट्रिय संस्था प्लान ईन्टरनेशनल नेपालको आर्थिक सहयोग तथा सामुदायिक परिवार कल्याण संघको आयोजनामा विदेह नगरपालिकाका वडा नं. १ देखि ९ सम्मका प्रत्याभूत भएका बालबालिकालाई टिफिन बक्स, साबुन, नेलकटर, ब्रस, पेष्ट लगायतका आवश्यक सामग्रीहरु वितरण गरिएको छ । विदेह नगरपालिकाका उपप्रमुख आशा देवी झाको प्रमुख आतिथ्यमा वाल प्रत्याभूती कार्यक्रम अनतरगत १२ वर्ष मूनीका बालबालिकाहरुलाई सो सामानहरु प्रदान गरिएको संघका फिल्ड अधिकृत राजनन्दन यादवले जानकारी दिनुभयो । पहिलो चरणमा ४ सय ३० बालबालिकाहरु मध्ये विदेह नगरपालिकाका २ सय ८ जनालाई वितरण गरिएको छ भने बाँकी २ सय २२ जना जनकनन्दिनी गाउँपालिकाका प्रत्याभूत बालबालिकाहरुलाई वितरण गरिने उहाँले जानकारी दिनुभयो । प्रत्याभूत बालबालिकाहरुका लागि विभिन्न देशका नागरिकले गरेको सहयोगबाट उनिहरुको शिक्षा, स्वास्थ्य, खानेपानी, आयआर्ज लगायतका विकासका क्षेत्रमा काम गर्न सहयोग पुग्ने उहाँले । बाल प्रत्याभूत कार्यक्रम अन्तरगत धनुषाका विदेह नगरपालिकामा सन् २०२१ र जनकनन्दिनी गाउँपालिकामा २०२२ देखि कार्यक्रम संचालन भई काम भइएरहेको छ भने सबैला, कमला र शहिदनगर नगरपालिकामा समेत कार्यक्रम संचालन भएको छ । पाँच वटै पालिकाका बालबालिकाहरुको प्रत्याभूत गरेका विदेशी नागरिकको सहयोगमा सर्वाङिगक विकासका लागि काम गरिने यादवले जानकारी दिनुभयो । सो सामग्री वितरण कार्यक्रममा संघका बाल प्रत्याभूत कार्यक्रमका संयोजक यमलाल शाशंकर, फिल्ड अधिकृत राजनन्दन यादव,डाटा अधिकृत ब्रह्मानन्द ठाकुर लगायतका कर्मचारी, सामाजिक परिचालकहरुको सहभागीता रहेको थियो ।
संवाददाता
संवाददाता
कमेन्ट गर्नुहोस्