राप्रपा केन्द्रीय सदस्य ढुंगानासहितका २०० जना कांग्रेसमा प्रबेश, निधि र बस्नेतले गरे स्वागत
3 वर्ष पहिले प्रकाशित
Khojkhulasa
काठमाडौं । राष्ट्रिय प्रजातन्त्र पार्टीका केन्द्रीय सदस्य यस्मिन ढुंगानासहित सिन्धुपाल्चोक क्षेत्र नं २ का दुईसय भन्दा बढी नेता कार्यकर्ता नेपाली कांग्रेसमा प्रवेश गरेका छन्।
नयाँ बानेश्वरमा बिहिबार आयोजित कार्यक्रममा केन्द्रीय सदस्य ढुंगानासहितका नेताहरुलाई नेपाली कांग्रेसका पूर्व उपसभापति विमलेन्द्र निधि र केन्द्रीय सदस्य एवं सिन्धुपाल्चोक क्षेत्र नं २ का उम्मेदवार मोहनबहादुर बस्नेतले स्वागत गरेका थिए।
नवप्रबेशीहरुलाई कांग्रेसको सदस्यता प्रदान गर्दै नेता निधिले कांग्रेसको झण्डामा आबद्ध हुन आउनु भएका सबै नेता तथा कार्यकर्तालाई कांग्रेसले बलियो संरक्षण दिने बताउँदै चुनाबमा सत्तागठबन्धनका उम्मेदवारहरुलाई बिजयी गराउन आह्वान गरे। मंसिर ४ को चुनाबमा कांग्रेसलाई विजयी गराउनु पहिलो दायित्व भएको स्मरण गराउदै नेता निधिले मोहन बस्नेत जस्तो कुशल नेता पाउनु सिन्धुपाल्चोकबासीका लागि गौरवको बिषय भएको उल्लेख गरे।
कांग्रेसको कुशल नेतृत्वका कारण लोकतान्त्रिक संविधान जारी हुन सकेको भन्दै उनले संविधानको सफल कार्यान्वयनका लागि आगामी निर्वाचनमा कांग्रेसलाई जिताउनु पर्नेमा जोड दिए। एमालेको उक्साहटमा राष्ट्रपतिले पटक पटक संविधान उल्लंघन गरेकोले त्यसको संरक्षण गर्ने प्रमुख दायित्व कांग्रेसकै भएको बताए।
त्यस अवसरमा राप्रपा त्यागेर कांग्रेस प्रवेश गरेका सबै नेता तथा कार्यकर्तालाई कांग्रेस उम्मेदवार बस्नेतले उचित सम्मान र इज्जत दिने बिश्वास दिलाए। जस्तोसुकै कठिन परिस्थितिमा पनि आफूले जनताको सुख, दुःखमा साथ दिएको भन्दै त्यसो गर्नु आफ्नो दायित्व नै भएको उल्लेख गरे।
त्यस अवसरमा नेतृ ढुंगानाले कांग्रेस नेता मोहन बस्नेतको कार्यशैलीबाट आफू प्रभाबित भएको भन्दै गठबन्धनका उम्मेदवारलाई विजयी गराउन आफूहरु प्रतिबद्धताका साथ लाग्ने बिश्वास दिलाइन्।
राप्रपाका शिवप्रसाद सापकोटा, सुमन खतिवडा, थलबहादुर तामाङलगायतका प्रभाबशाली नेताहरु कांग्रेस प्रवेश गरेका हुन्।साभार : स्पेसखबर
एका बिहान भर्ना अभियानको ब्यानर र प्ले कार्डसहित देखिए श..
राहुल कुमार सिंह शिक्षा क्षेत्रमा मधेश प्रदेशमै आफनो फरक पहिचान बनाउन सफल गोगल प्रसाद नमुना माध्यमिक विद्यालयल..
7 दिन पहिले
‘पढ्दै कमाउँदै’ नीति : हप्तामा २० घण्टा काम कत्तिको सम्भ..
सरकारले स्नातक तहमाथिका विद्यार्थीलाई हप्तामा बढीमा २० घण्टा कामको न्यूनतम ज्याला सुनिश्चित गरी ‘कमाउँदै पढ्..
4 दिन पहिले
सत्य निरूपण आयोगको अध्यक्षमा महेश थापा, बेपत्ता आयोगमा ल..
सरकारले दुई आयोगमा पदाधिकारीहरू नियुक्त गरेको छ। बुधबार बेलुकी बसेको मन्त्रिपरिषद बैठकले सत्य निरूपण तथा मेल..
4 दिन पहिले
कमेन्ट गर्नुहोस्