शिक्षण सिकाइ क्रियाकलाप अनुगमन तथा अवलोकन
1 महीना पहिले प्रकाशित
Khojkhulasa
किशोर मंडल
सबैला नगरपालिकाको आयोजना र आसमान नेपालको सहकार्यमा विद्यालय शिक्षण सिकाइ क्रियाकलापको अनुगमन तथा अन्तरक्रिया कार्यक्रम सम्पन्न भएको छ । विद्यालयको कक्षागत शिक्षण सिकाइ प्रक्रियाको मूल्याङ्कन तथा सुधारका उपायहरूबारे गहन छलफल गर्न आयोजित कार्यक्रममा विभिन्न पदाधिकारी तथा स्थानीय प्रतिनिधिहरूको उपस्थिति रहेको थियो। नगर प्रमुख कारीराम यादव, प्रमुख प्रशासकीय अधिकृत साबिर कुमार महतो, शिक्षा अधिकृत युवराज काफ्ले, आसमान नेपालका प्रतिनिधि रेखा यादव, अशोक चौधरी, राजकुमार यादव, वडा अध्यक्ष सेराज राईन, पूर्व वडा अध्यक्ष तथा संस्थापक अध्यक्ष दुर्गा प्रसाद राय, पूर्व विद्यालय व्यवस्थापन समिति अध्यक्ष राजेन्द्र कुमार राय, संस्थापक सदस्य तथा पूर्व वि.व्य.स. सदस्य राम औतार राउत लगायत अन्य व्यक्तित्वहरूको कार्यक्रममा सहभागिता रहेको थियो।कार्यक्रमको क्रममा विद्यालयमा शिक्षण प्रक्रियाको प्रत्यक्ष अवलोकन गर्दै कक्षागत सिकाइ गतिविधिहरूको अनुगमन गरियो। उपस्थित पदाधिकारीहरूले विद्यालयका शिक्षक, विद्यार्थी तथा अभिभावकहरूसँग अन्तरक्रिया गरी शिक्षण सिकाइ प्रक्रियामा सुधारका लागि आवश्यक सुझावहरू दिएका थिए। शिक्षा अधिकृत युवराज काफ्लेका अनुसार यस्तो प्रकारको अनुगमनले शिक्षण विधिलाई प्रभावकारी बनाउने मात्र नभई विद्यार्थीहरूको सिकाइ स्तर अभिवृद्धि गर्न मद्दत गर्ने विश्वास गरिएको छ। नगर प्रमुख कारीराम यादवले शिक्षाको गुणस्तर सुधार गर्न नगरपालिकाले आगामी दिनमा थप प्रभावकारी कार्यक्रमहरू सञ्चालन गर्ने प्रतिबद्धता व्यक्त गरे।कार्यक्रमका सहभागीहरूले विद्यालय शिक्षाको वर्तमान अवस्था, शिक्षण सिकाइमा देखिएका चुनौतीहरू र समाधानका उपायहरूबारे विस्तृत छलफल गरेका थिए। अनुगमनका क्रममा प्राप्त सुझाव तथा निष्कर्षलाई भविष्यमा नीति निर्माण तथा कार्यक्रम सञ्चालनमा समा
संवाददाता
कमेन्ट गर्नुहोस्