नेकपा खारेज गर्ने सर्वोच्चको फागुन २३ को फैसला विरुद्ध नेकपा माओवादी केन्द्र पुनरावलकोनमा जाने भएको हो । मंगलबार सिंहदरबारमा बसेको माओवादी स्थायी कमिटी बैठकले एमाले र माओवादी केन्द्र ब्यूँताउने फागुन २३ को अदालतको फैसला पुनरावलोकन गरी नेकपामै फर्काउन माग गर्ने निर्णय गरेको नेता नारायणकाजी श्रेष्ठले जानकारी दिनुभयो । माओवादी केन्द्रीय कमिटी बैठकले पनि पुनरावलोकनमा जाने यसअघि नै निर्णय गरिसकेको भन्दै मंगलबार कानुन व्यवसायीसँगको छलफलपछि माओवादी केन्द्रले पुनरावलोकनमा जाने निर्णय गरेको श्रेष्ठले बताउनुभयो । पुनराअवलोकनमा कहिले जाने भन्ने मिति भने तय नभएको उहाँले बताउनुभयो । मंगलबार बिहान शीर्ष नेतृत्वले कानुन व्यवसायीसँग पुनरावलोकनमा जाने विषयमा छलफल गरेको थियो । बुधबार थप छलफल गर्ने माओवादी केन्द्रले जनाएको हो ।
