गण्डकी प्रदेशसभाको बैठक बुधबार बस्दै छ । मुख्यमन्त्री पृथ्वीसुब्बा गुरुङमाथि अविश्वासको प्रस्ताव दर्तासँगै सुरु भएको विशेष अधिवेशनमा कोरोना परीक्षण बिना बैठक चल्न नदिने भन्दै सत्तारुढ दल नेकपा एमालेले मंगलबारको संसद बैठक अवरुद्ध गरेको थियो । त्यसपछि कार्य व्यवस्था परामर्श समितिमा छलफल गरी कोरोना परीक्षणको रिपोर्ट आएपछि बुधबार दिउँसो १ बजे बैठक बस्ने सहमति भएको हो । सोही अनुसार बैठक बस्ने तयारी भएको हो । विपक्षी दलहरुले भने सरकार ढल्ने निश्चित भएपछि सरकारले सीमित समयका लागि सरकारको आयु लब्याउने खेल खेलेको आरोप लगाएका छन् । माओवादी केन्द्रका सांसद दीपक थापाले नियतबस यसो गरिएको बताउनुभयो । गण्डकी प्रदेशमा मुख्यमन्त्री विरुद्धको अविश्वासको प्रस्तावमा छलफल चलिररहेको हो । मुख्यमन्त्री गुरुङको पक्षमा एमालेका २७ जना सांसद छन् । अविश्वासको प्रस्ताव दर्ता गराएका काँग्रेसका १५ र माओवादी केन्द्रका १२ सांसदमध्ये एक जना सभामुख भएकाले ११ जनाले मत हाल्ने छन् । जनता समाजवादीका २ र जनमोर्चाका ३ सांसदले पनि अविश्वासको प्रस्तावमा मतदान गर्ने बताइरहेका छन् ।

सम्बन्धित खवर
Latest Posts from खोज खुलासा

Leave a Reply

Your email address will not be published. Required fields are marked *