स्थानीय तह र प्रनितनिधि सभाको चुनावको बारेमा छलफल गर्न सत्ता गठबन्धनको उच्चस्तरीय राजनीतिक समन्वय समितिको बैठक शुक्रबार बस्दै छन् । बैठक दिउँसो ४ बजेपछि प्रधानमन्त्रीको सरकारी निवास बालुवाटारमा बस्ने गरी बोलाइएका छन् । गठबन्धनमा भएका दलको विचार सुनेर दुवै चुनावका बारेमा निष्कर्षमा पुगिने एकीकृत समाजवादी पार्टीका अध्यक्ष माधवकुमार नेपालले जानकारी दिनुभएका छन् । समितिको बैठकअघि गठबन्धनका शीर्ष नेताबीच छुट्टै छलफल हुने माओवादी केन्द्रका अध्यक्ष पुष्पकमल दाहाल प्रचण्डको निजी सचिवालयले जनाएका छन् । बालुवाटारमा प्रधानमन्त्री तथा काँग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादीका अध्यक्ष माधवकुमार नेपालबीच हिजो छलफल भएको हो । प्रचण्डले औपचारिक रुपमै स्थानीय तहको चुनाव कात्तिक मङ्सिरमा गरेर वैशाखमा प्रतिनिधिसभाको चुनाव गर्ने प्रस्ताव अघि सारेको भनिएको बेलामा तीन शीर्ष नेताबीच अनौपचारिक कुराकानी भएको हो । उच्चस्तरीय राजनीतिक समन्वय समितिको बिहीबारको बैठक स्थगित गरी शीर्ष नेताहरु अनौपचारिक छलफलमा जुटेका हुन् ।

सम्बन्धित खवर
Latest Posts from खोज खुलासा

Leave a Reply

Your email address will not be published. Required fields are marked *